港大尋日舉行新生開學禮，港大學生會會長馮敬恩喺致詞時就趁機發炮，狂數港大最近發生嘅風波，包括批評近日校委會「等埋首席副校長」嘅決定係荒謬，學生捍衞自主及自由係基本責任；又話港大係孕育夢想同理想嘅地方，培育好多人才，但港大正失去呢啲榮譽。如果港大真係失去榮譽，馮敬恩有冇責任呢？事關衝擊校委會會議及禁錮校委事件，已令港大聲譽嚴重受損，馮敬恩係咪應該反問吓自己先呢？
