政情：座駕「跪低」 徐英偉阻人放工
民政事務局近期真係多事發生，繼原局長曾德成上月突然「被炒」後，局長政治助理徐英偉（Caspar）嘅私家車尋日又在繁忙道路「跪低」，釀成大塞車！話說佢駕車出席地區活動，當駛至西九龍圓方附近，正要駛出高速公路前，唔知點解突然「死火」。
不少司機「邊行邊鬧」
Caspar站在馬路邊等拖車，足足等了一個半小時才來到。當時正值下班時間，引致附近大塞車，Caspar一直站在壞車旁邊等候，不少路過嘅司機「一邊行一邊鬧」，說佢「阻住佢哋放工」，佢都覺得超唔好意思。Caspar其後還要趕落區工作，幸好地點在附近，但已經遲大到。現時仍未知點解會壞車，亦唔知要幾多錢維修，唔知佢會否考慮今後改搭公共交通工具呢？
（互聯網）