觀塘：僭建鐵皮屋安全成疑
「間鐵皮屋啲漆都已經甩咗好多，仲裝埋啲窗，感覺真係好危危乎，萬一跌落嚟分分鐘壓死人！」陳先生指觀塘駿業街有大廈平台及天台有僭建物，其中天台的僭建物更以鐵皮搭建，並設有窗戶及冷氣機，擔心僭建物未如石屎般穩妥，隨時有下墜危險，影響途人安全。
屋署：警告書已送土地註冊處
屋宇署發言人證實，上址平台及天台有僭建物，已向有關業主發出警告通知，並將警告通知送交土地註冊處，註冊在有關物業的業權紀錄上，而有關通知只會在業主清拆違建物後才註銷。
「其實唔止呢度，好多地方都有僭建，但屋宇署嚟嚟去去都只係識釘契，啲人根本都唔驚！」陳先生不滿屋宇署僅以「釘契」了事，欠缺阻嚇成效，要求當局加強罰則，防止僭建問題繼續惡化。