南湘 氣質俘虜 22萬粉絲

今時今日男士嘅要求愈嚟愈高,有樣冇身材固然被彈,有身材冇樣同樣被彈,究竟點樣先滿足到巴打奄尖嘅目光呢?呢個問題相信可以喺內地嫩模南湘身上搵到答案,事關佢憑住過人嘅氣質,不但成為炙手可熱嘅模特兒,其微博更坐擁超過22萬粉絲,足見魅力何等非凡。

妖媚線條

出生於廣州嘅南湘,有個好可愛嘅英文名Baby,只係佢全身卻同可愛兩字又好似冇乜大關係。皆因佢不但擁有玲瓏浮凸嘅身材,而烏黑嘅長髮更係女人味十足,配合埋佢經常喺寫真中,以超性感及勁火辣嘅造型示人,應該被冠以妖媚之名才貼切。事實上,呢位從事模特兒工作超過兩年嘅索模,外在條件已經相當出眾,難怪出道冇耐已備受注目。究竟佢嘅人氣有幾高呢?單從佢嘅個人微博中,粉絲數目已經超過22萬,便可得知有幾多人被佢嘅外形所臣服。如果覺得呢點並唔足夠說服到你,可以話畀你知,佢嘅寫真相更被印喺啤牌嘅背面,試問有幾多模特兒可以做到呢?既然喺寫真界擁有如此高人氣,佢嘅工作範圍近年亦開始伸展到其他平面媒體上,未來見到佢身影嘅機會將愈嚟愈多。

更添真實

正所謂樹大招風,縱然佢人氣幾咁高同有幾多個嘅支持者,始終會有人唔係咁鍾意佢,而最多人批評嘅,就係佢雖然擁有妖媚嘅外形,但樣貌相對其他內地嫩模嚟講卻只屬一般。面對呢啲批評,佢一啲都冇反擊,反而繼續努力喺寫真及平面模特兒工作上。不過佢嘅粉絲卻唔係咁睇,即刻出嚟反駁批評者。有人認為凡事都冇十全十美,而正正係呢種少少嘅瑕疵,正好說明佢勇於以真面目示人,而唔會尋求後天嘅加工,以獲得大家嘅關注。有啲更激嘅支持者甚至直言,相對虛假嘅五官,呢種真實嘅面貌更可彰顯佢對自己樣貌嘅自信。姑勿論大家嘅睇法如何,只係可以肯定一點,不論正反雙方都對佢嗰種,從內而外嘅勾人氣質加以肯定,認為佢不論以任何造型示人,甚至唔使賣弄性感,都可輕易撩動男士嘅心。

個人微博

南湘憑住前凸後趷嘅身材,及足以勾起任何男士原始衝動嘅氣質,成為一位突破22萬粉絲量嘅模特兒。不過呢位人氣索模嘅個性係點,而私生活又係點呢?想知得更多,記得去佢嘅個人微博度睇吓。

網址: www.weibo.com/u/2144683190

南湘Profile

出生地:廣州

身高:165cm

三圍:33、26、33

撰文:魂