衞署診所壞電梯五個月 難為長者撐樓梯

「等咗成幾十年先等到有（車立）用，點知用得嗰一陣就壞咗，仲話要整成幾個月。點解出面商場啲（車立）好快就整好，政府嗰啲就永遠要拖一大輪？」香港仔居民李伯指，香港仔賽馬會診療所於六十年代啟用，直至一三年底終加設升降機，豈料啟用不足兩年便於今年六月故障，預計於十月才完成維修，「睇通告話係因為積水浸壞咗啲零件，但係香港年年都打風落雨，點解起嗰陣冇考慮到呢點，做好防水呢？」

李經常往該診療所位於頂層的中醫診所求診，目睹不少長者「登頂」過後氣喘如牛，爬樓梯時除需由親友攙扶，期間亦需多次歇息，「好多人都係因為隻腳有問題先上去針灸，咁行法咪病多幾錢重？陣間有老人家差錯腳碌落嚟又邊個負責？」

柴文瀚促請日後招標時在合約內加設維修期限。	有居民不滿建築署規劃時未做好防水措施，導致該升降機啟用不足兩年便故障。	長者點睇 陳女士：「行上去真係索晒氣，都唔明點解部（車立）用得一陣就壞。」

發言人：需從外國訂購零件

建築署及機電工程署綜合回覆本報，發言人表示，涉事升降機於一三年底啟用，造價為約七十萬元，於今年六月初接獲衞生署轉介損壞報告後，已隨即聯絡總承建商跟進。發言人解釋，故障原因估計為五月期間持續大雨，毗鄰天台嚴重積水，雨水滲入升降機槽而損毀電腦控制系統等零件，由於升降機代理商需從外國原廠訂購，故預計維修於十月完成。此外，發言人亦承諾，將改善天台積水問題，並已要求總承建商加快維修進度。

衞生署發言人則指，香港仔賽馬會診療所A座現時提供牙科、普通科和中醫門診服務，涉事升降機主要方便市民出入位於二樓的中醫中心。發言人承認曾接獲有關投訴，而與相關單位聯絡及安排後，會於地下騰出房間以設立中醫中心臨時治療室。

促列維修期限為招標條件

「呢區都有唔少公家地方嘅（車立）要拖好耐先整好，因為要等成幾個月零件，可以話係好荒謬。」南區區議員柴文瀚批評政府採用「價低者得」外判制，標書往往忽視維修保養，造成承建商有理由「歎慢板」。柴建議日後將維修期限列入招標條件，改善有關問題，「可以規定要喺一定時間入面做好維修，咁承建商就有責任預留或者盡快搵零件。始終南區人口開始老化，冇（車立）對長者嚟講真係好大影響。」

記者︰呂耀焜