政情：公民講場：約見大押業主 波叔食檸檬

港島唯一一幢街角弧形唐樓灣仔同德大押難逃拆卸命運。據了解，文物保育專員辦事處指當局○八年知悉業主有意拆卸大押後，已多次接觸業主商討保育方案，近日仲出動到發展局局長陳茂波，建議親自同業主會面，但業主回覆話無需要見面及堅持重建，波叔就咁食咗個大檸檬。其實好多具價值嘅歷史建築物都係私人物業，政府成日話同業主傾，究竟攞咩去同人哋傾呢？莫非諗住帶兩梳蕉去兼用誠意搭夠？相信冇足夠誘因，都難以吸引業權人保留物業。