路種「劍麻」如刀陣恐傷人

「有好多小朋友放學喺度等車，人來人往，唔覺意撞咗埋去，成個面就花晒！」沙田居民蕭先生指安景街及大涌橋路之間的花圃種有百多棵劍麻，但植物帶有尖刺，不慎觸碰隨時割破手腳，擔心對過路及於附近巴士站候車的居民帶來危險。蕭先生曾向康文署反映問題，惟該署卻以美化環境為由拒絕改善，「佢哋（康文署）就話覺得好靚喎，但就算佢靚都唔應該擺啲危險植物喺人多嘅地方啦！」

伸出花圃外 一年兩次修剪

記者到現場視察，更以蘋果測試植物尖刺的鋒利度，證實尖刺可輕易刺穿蘋果。由於有部分劍麻種植位置延伸至花圃邊緣，或對途人構成危險。

劍麻的葉頂端長有尖刺，可輕易刺穿蘋果。	詹志勇建議，可改為種植樹木以逐漸取代劍麻。	安景街居民協會主席 黃冰芬

安景街居民協會主席黃冰芬指亦曾向康文署反映植物種植不當，但未獲正視，「佢哋只係同意當棵植物死咗唔會重新播種，但問題喺佢咁粗生，唔需要你重新播種佢都會繼續愈生愈多！」黃認為，前提是要保障行人及居民的安全，而非僅考慮美化環境，建議改種較安全又能提供遮擋太陽功效的植物，既安全又達致美化作用。

康文署發言人回應指，劍麻的葉頂端長有尖刺，而葉緣偶爾帶刺，若環境適合會自然繁殖。除一年約一至兩次的修剪，日常會視乎其生長情況安排園藝承辦商進行修剪及移除枯葉等護養工作。發言人續指，職員早前到上址巡查時，發現其中三棵劍麻的生長位置貼近花圃邊緣，已安排承辦商將其移除，又於花圃周遭加裝籬笆，以免有市民走進。該花圃種有約一百七十棵劍麻，已栽種十多年。

樹博士倡種遮蔭樹木取代

有「樹博士」之稱、香港大學地理學系講座教授詹志勇指出，一般而言被劍麻刺傷應無大礙，若擔心被刺傷後會引起敏感症狀，應向醫生查詢。詹檢視有關相片後建議可將花圃邊緣的劍麻原棵移至中間的空位繼續生長，並可改種樹木逐漸取替已死的劍麻，另一方面，樹木可遮擋陽光，從而減慢劍麻的生長。「修剪啲刺或者葉我就唔係好同意，劍麻屬於多肉植物，你剪佢就會造成傷口，有機會令啲害蟲同真菌走入去，最好都係成棵移入去。」

記者：蘇敏婷