灣仔三級歷史建築同德大押將會拆卸重建，古物諮詢委員會（古諮會）主席林筱魯尋日上電台節目就喊晒口話，古諮會評級制度係「無牙老虎」，就算同德大押被評為最高保育級別，都係無得留低。不過，佢同時又話，推動歷史建築保育同時，亦都要尊重私人擁有歷史建築嘅私有產權喎。兩件事根本就有矛盾，如果要將評級制度變成「有牙老虎」，又點尊重私有產權呢？究竟點先可以既保育又尊重私有產權，真係林筱魯自己先知喇！
