中環出更：葵青區會豪花63萬玩fb

現時搞政治並非落區見吓街坊咁簡單，仲要學識利用網上平台同青年人打交道。好似葵青區議會，就用咗社區重點項目計劃一億元撥款中的六十三萬元，用來製作社交網站Facebook（fb）專頁宣傳。不過，大灑金錢製作嘅專頁，竟然只得萬多個「讚好」，據聞大部分「讚好」並非來自香港，令人質疑並非物有所值。

葵青區議會計劃用政府提供的一億元撥款搞「攜建共融健康社區」計劃，提供牙科、眼科等社區健康服務，仲會幫合資格的長者申請資助睇牙科、配眼鏡。本來為居民提供服務是好事，但區議會竟然用了其中二百萬元作為宣傳費用，當中有六十三萬元更加只係用作開設「攜青」fb專頁。

當區議員林立志就力斥二百萬元宣傳不合理，因為今次計劃服務對象主要是長者，很多長者根本不會上網，不如減宣傳開支，增加服務名額，令更多長者受惠。

卓妮