N21城巴上層擺行李企客
在機場任職的梁先生表示，經常乘坐城巴N21通宵巴士往返香港國際機場及尖沙咀，惟常看見有乘客於上層位置站立及擺放行李，擔心意外發生，「呢架巴士好多人搭，好多時都會坐滿晒，啲人去完旅行拖住一個個大篋，見下層坐滿就搬晒上上層，有時仲會堆高啲行李，冇位坐就企埋喺上層。人人都知上層係唔准站立，我覺得真係好危險！」
發言人：已提車長適時勸喻
城巴有限公司發言人表示，已得悉有關意見，為安全起見會提醒乘客，於上層不應站立及放置大型行李，而報站系統亦會播放訊息提醒乘客。發言人又指，該公司已提醒相關車長留意車廂內情況，並在有需要時作出勸喻。
「巴士司機見到有人拖篋上樓梯就應勸止啦，巴士咁窄一陣有咩意外就唔好！」梁先生希望巴士公司繼續跟進事件，提醒乘客勿在上層作出危險行為。