影子食肆猖獗顧客安全成疑
食肆「影子舖」無牌經營，食環署未有積極取締！荃灣四陂坊有食肆門庭若市，更疑租用鄰舖「偷雞」擴充營業範圍，有食客發現該「影子舖」未有展示食肆牌照，亦不設消防裝置，擔心食客安全未獲保障。食環署指已向涉事店舖負責人提出檢控。區議員批評食環署現有罰則阻嚇力欠奉，要求加強執法及加重處罰，以更有效打擊無牌食肆，確保市民健康。
「嗰日同朋友去食嘢，去到見有好多人排隊，跟住就有個阿姐行埋嚟，細細聲叫我哋去後面間舖，行入後巷就見有人排隊，神神秘秘咁都唔知係咪無牌！」李先生近日擬光顧荃灣四陂坊一食肆時，獲侍應安排到後巷店面，因未見店內展示食肆牌照，疑屬無牌經營，而店內亦無消防裝置，擔心一旦發生事故，食客將無路可逃，「間舖入面咩消防裝置都冇，連滅火筒都唔見有，而且入面啲枱擺到密密麻麻，有咩事都唔知走唔走到！」
侍應另店運來食物
記者曾到涉事食肆了解，發現店內雖設有廚房但未有煮食，食客所點食品皆由另一店舖侍應經後巷運送而至。涉事食肆負責人接獲記者查問時，承認鄰店屬無牌經營食肆，店內亦不設消防裝置，並表示明白存有危險性，現已關閉涉事無牌舖位。
食物環境衞生署發言人證實，該食肆目前並無持有署方簽發的食物牌照，接獲轉介後即時派員巡查，發現該處所無牌經營食物業，已即時提出檢控。發言人補充，根據《食物業規例》，任何人無牌經營食物業即屬違法，最高可被罰款五萬元及監禁六個月，而持續違例則每天另加罰款九百元。
議員轟罰則欠阻嚇
「點解依家啲食肆仲可以肆無忌憚咁公然無牌經營？好明顯就係制度上出咗問題，由扣分去到封舖，通常都要搞幾個月，咁啲食肆就會繼續走法律罅。」當區區議員葛兆源指出，荃灣四陂坊、眾安街一帶都有無牌食肆經營，因該帶屬市中心人流眾多，食肆租用附近單位「偷雞」擴充營業範圍。
葛指現有罰則欠缺阻嚇性，以致出現變相縱容違規情況，要求食環署加強巡查及執法，一旦發現無牌食肆再度違例，應採取適當行動，考慮向法庭申請封閉令，以保障市民食用健康。
法律界人士黃國桐指於食肆牌照以外地方經營食肆，已違反牌照條例，倘有食客進食後感到不適，檔主須為此負責，「如果有食品出咗錯誤，令食客唔舒服，其實同有冇食物牌照係兩回事，都係犯咗食品條例，責任必定係追究製造者。」