政情：今日你上鏡：Greg蘇突「瞓醒」考察美食車

財政司司長曾俊華喺今年《財政預算案》提出引入外國美食車構思，建議由商務及發展局局長蘇錦樑（Greg蘇）負責，當日工聯會立法會議員陳婉嫻向Greg蘇查詢有關美食車嘅問題時，Greg蘇竟然話美食車唔關佢事喎。不過，Greg蘇尋日結束訪問澳洲前，忽然「瞓醒」記得美食車嘅事，喺旅遊事務專員朱曼鈴陪同下考察悉尼市內嘅美食車營運模式，仲同經營者交談，了解美食車嘅日常運作。其實預算案公布至今已將近半年，依家先至話去考察美食車，唔怪得香港嘅發展停滯不前嘞！