粉嶺：爆喉嘥食水部門懶理
「嗰度依家有個私人工程搞緊，成日有啲泥頭車挖嚟挖去，挖穿埋條食水管，日日都唔知浪費幾多食水！」趙先生為粉嶺上輋村居民，早前途經村內一段行人路，發現地面有積水，細看下發現食水管出現滲漏，遂要求水務署盡快派員維修，以免浪費珍貴水資源，惟事隔逾星期仍不獲處理，批評當局「帶頭嘥水」。
水署稱私家喉管 由用戶維修
趙先生又指，期間水務署曾表示會與私人土地業權人聯絡，着對方盡快維修，令其大感不滿，「點解水務署唔維修咗先，之後先追番啲費用呢？政府咁做嘢咪官僚囉！」
水務署發言人證實，上址有一條位於私人土地上的私家食水管漏水，影響兩個用戶的食水供應。發言人指出，根據《水務設施條例》，私家喉管應由相關用戶負責維修及保養，遂按規定發出維修通知書，要求有關用戶維修，而有關食水管已經維修妥當。