家陣內地嘅寫真模特兒，只係擁有迷人樣貌、火辣身材同埋敢挑戰性感極限已經唔夠，想做到人氣爆發嘅話，仲要識得喺邊度同埋用乜嘢方法宣傳自己。好似辣模松果兒咁，憑住出眾外形，加上喺網購平台上性感登場，令佢嘅人氣不但喺短時間爆發，更挾着高知名度進軍影視界添！
今年22歲嚟自遼寧瀋陽嘅松果兒，英文名Victoria，而呢位早喺2010年已憑住廣州車展嘅選美比賽《叫我大車模》中獲得季軍嘅索女，其後又於2012年成為上海國際內衣展嘅特邀嘉賓，及內衣品牌內衣模特兒中國網絡賽區嘅總冠軍，呢種種成績不但說明佢嘅外形有幾咁標青，身材有幾咁玲瓏浮凸，更說明佢喺模特兒界有相當嘅知名度。不過講到佢真正人氣爆發，卻係始於網購平台。話說喺2010年時，當時剛喺車模選美賽中得獎，決定專攻網購平台，成為唔少商品嘅模特兒。憑住佢出眾嘅外在條件，加上甜美嘅笑容喺網絡上極速傳揚，令佢贏得人氣淘女郎、微博紅人、網絡女神等稱號。當時人氣極高嘅佢，決定進軍影視界，不但喺多個電視綜藝節目中亮相，並參與多套電視劇及電影嘅演出。
其實呢位人氣女模除咗樣靚身材正，以及甜美笑容令人留下深刻印象外，佢仲有另一個令男士着迷之處仍待大家發掘，而呢樣就係佢嘅音樂造詣。原來呢位索模畢業於瀋陽音樂學院，不但精於唱歌，對於樂器演奏更係拿手，尤其擅長彈鋼琴。唔知係咪佢長期被藝術薰陶，對時裝亦有其獨特品味及觸覺，並經常喺個人微博中，以唔同嘅潮流造型示人，故此大家會發現一個有別於其他模特兒嘅獨特現象，就係佢有唔少女粉絲，佢哋更經常喺網上請教呢位索模嘅穿着心得。好似佢早前上載一輯長腿相後，唔少女粉絲問佢點解對腳可以咁長。佢坦言其實並非自己雙腿生得長，而係歸功於條迷你裙及特別設計嘅高踭鞋。睇嚟佢唔單止係位火辣模特兒及時裝達人，更可以考慮開埋時裝店添！
松果兒有迷人嘅三圍及甜爆嘅笑容，又有獨特嘅時裝觸覺，仲要有相當嘅音樂造詣，如此完美嘅索女試問男士又點會唔心動呢？既然係咁，大家不如快啲去佢嘅個人微博，深入了解呢位迷人無比嘅索女啦！
網址：weibo.com/u/5621389511
出生地：遼寧瀋陽
身高：168cm
三圍：37、26、35
撰文：魂