慈善基金：「愛德」陪診義工關愛長者

七十八歲的李志文依靠綜援金生活，自從老伴於十多年前去世後，便過着獨居生活。李伯表示，隨着年紀漸老，不時需出入醫院覆診，近年雙眼受白內障所困，令視力模糊不清，令日常生活大受影響，幸獲愛德循環運動的義工陪同覆診，「除咗高血壓、糖尿病，依家對腳仲愈嚟愈冇力，加埋白內障搞到睇嘢矇查查，好彩有義工陪我覆診，等我唔使盲摸摸，又有東方日報慈善基金幫忙交通費，真係好多謝！」

主婦善用餘暇做義工

陪伴李伯覆診的義工葉慧明為家庭主婦，參與義工服務已有五年。明姐當上義工，源於一份希望幫助弱勢社群的熱心，除當陪診義工外，更會善用餘暇，到老人中心教導長者，「社會上有啲人好需要幫手，幫到啲老人家就最開心，好有意思！」

至於八十八歲的陳慶則在十年前罹患喉癌，接受手術切除喉嚨後，便須使用助講器協助發聲。由於說話不便且無親人照顧，義工陪診服務對陳伯更為重要。當提及獲得素未謀面的義工協助、儼如親人沿途陪伴時，陳伯更一度感動落淚，「我講嘢唔方便，但真係好多謝咁有愛心嘅義工帶我睇醫生！」陳伯使用助講器一字一字地訴說心中感受。

「直接幫到佢哋好開心」

四年以來風雨無間地協助長者的義工張文緯指出，公立醫院的登記、診室及藥房皆設置於不同地點，長者或行動不便的病人特別需要別人陪同覆診及照顧。

從事服裝貿易生意的阿緯平日工作繁忙，但每周均會抽出兩天時間陪伴長者覆診，「啲老友記人生閱歷豐富，同佢哋傾吓講吓，自己都學到好多嘢，而且直接幫到佢哋，自己都好開心！」

捐款編號：1498

記者：徐少琴