財經事務及庫務局在二○一三年實施咗雙倍印花稅辣招後，本地樓市就降咗溫，但喺去年四月又再升溫，仲一直爆升至今。當局就話有必要繼續用雙管齊下嘅方式維持雙倍印花稅，仲話維持辣招一方面可以確保穩定嘅土地同房屋供應，另一方面又可以維持對管理市場需求方面嘅工作。雖然雙倍印花稅辣招可以減低樓市亢奮情況，但另外實施嘅額外印花稅（SSD）就鎖死業主買賣物業三年。政府都識講，目前外圍有好多對香港不利嘅因素，萬一市況逆轉，市民想及早賣樓離場止蝕都唔得呀！
