小西灣:早餐送配飾 食客咬崩牙

檬粉內藏異物,食客咬崩牙兼有中鉛毒之虞!楊小姐昨日早上於椰林閣小西灣分店吃早餐期間,突然咬着異物,劇痛後牙齒隨即受傷流血,「吐番粒嘢出嚟,見到有粒應該係飾物配飾嘅嘢,再睇吓個碗入面,原來起碼有兩粒,真係離晒譜!」楊向餐廳經理投訴,對方稱「唔關廚房事」,更將責任推至供應商,對楊的受傷情況置若罔聞。

楊小姐事後到東區醫院急症室求醫,證實口腔受傷,「醫生睇到相都話驚個配飾生銹,而且呢啲金屬物質分分鐘有鉛毒!」現時楊需打破傷風針,並揚言會向涉事餐廳追究到底,同時亦已向食環署求助,要求跟進事件。椰林閣小西灣分店職員接獲本報電話查詢時表明拒絕就事件作回應。

食環署發言人稱,接獲投訴後已派員巡查有關食肆,並向投訴人收集個案資料及取走食物樣本作檢驗,現正等候結果。發言人又稱,有關食肆衞生情況尚可,該署職員已提醒負責人須確保食物安全。

第一手消息請下載on.cc東網iPhone/iPad/Android/Windows Phone Apps