雖然話工字不出頭，係人都想做老闆。之不過，有一樣工種卻係好多人都希望做，就係有鐵飯碗之稱嘅政府工喇，全因薪高糧準，仲好難會被炒魷魚添！故此好多女人都認為公務員簡直係理想老公！連日本水着女優小林惠美都係咁話。
雖然近年日本水着界新人愈來愈多，身材亦愈來愈好，而樣貌亦相當標致迷人兼且充滿令麻甩佬迷醉嘅青春氣息。之不過，小弟我都係覺得舊一輩嘅水着妹更為誘人且有魅力，好似已經被篠崎愛所取代嘅童顏巨乳掌門人酒井若菜、以厚嘴唇同巨乳為最大魅力嘅井上和香、雙峰大到嚇親人嘅松金洋子，以及已嫁為人妻嘅星野亞希等等，到今時今日依然令小弟思念。雖然上述水着妹已經鮮有露面，但係仲有一位資歷同實力都拍得住佢哋嘅一等一無敵尤物，繼續為我哋一班熱愛睇水着寫真嘅麻甩佬麻甩仔努力，佢就係小林惠美喇！惠美現年三十有二，呢個時候韻味醞釀得剛剛好，成熟得嚟唔會過分，綺麗且艷壓群芳，美艷程度喺水着界相信無出其右。而身材方面，惠美多年來都努力保持一副嬌美身段，白滑又豐滿嘅F奶絕對唔會輸蝕畀班後生女。
小林惠美出道於2002年，當年其所屬藝能事務所Yellow Bus旗下嘅水着妹陣容可謂盛極一時，除咗有惠美呢位實力超班嘅女優，仲有雛形明子以及小池榮子等經典水着天后，所組成嘅巨乳軍團簡直可以橫掃水着界！惠美提到自己入行經歷都話相當搞笑，當日事務所負責人野田義治經朋友介紹認識惠美，問完惠美上圍有幾大及確認阿妹有護照之後，就喺一個星期入面安排佢去夏威夷拍寫真嘅事宜。出道以來，惠美嘅水着之路曾經光輝過，但係自六年前工作愈來愈少，搞到惠美搵朝唔得晚，有一段日子要靠上網將自己嘅私人物件拍賣先有錢食飯交租。近期，惠美總算有唔少寫真拍攝，而上年去到塞班島拍寫真DVD嘅時候，就被當地嘅占卜師話今年有機會結婚，惠美聽完之後表示好開心，因為好希望搵到個好歸宿唔使做，而老公最好就係公務員，因為收入穩定喎。
小林惠美經常會將自己同班好姊妹聚會嘅相片放到微博同大家分享，想同惠美分享箇中開心感覺，可以Click上去睇睇。
網址：https://twitter.com/emi_koba
年齡：32歲
身高：5呎5吋
三圍：35F-23-33
撰文：賢