公民講場：樓市加辣 陳家強得把口

美國聯署局話加息都已經講咗好耐，次次都講到似層層，但無次加得成，而港府官員又好似中咗魔咒咁一味幫美國唱加息，尋日財經事務及庫務局局長陳家強又上電台講嘞。佢話樓價高企嘅原因係低息，但當市場預期美國今年會加息後，市場對利息走勢預期成型，相信會影響樓價喎，但又講唔出影響有幾大。佢又話，政府會不斷留意樓市風險，有需要時會聯同金管局推出措施，換句話即係會「加辣」調控樓市。不過，政府近年推出辣招或「加辣」都被指扭曲及干預樓市，反令樓價不跌反升，令置業人士無所適從。