搵某人卻搵極都搵唔到，我哋會稱對方做潛水；長達幾年都冇蒲過頭嘅人，會被稱為潛艇；明明大家見唔到佢有乜嘢能力，卻仍然覺得佢應該有某種能力，呢啲叫做潛能。不過喺情慾字海中，同潛及Dive有關嘅詞語並唔止咁少，仲同男女嘅本能有密切嘅關係。
美國四仔有唔少以潛水為題材嘅作品，而講到當中嘅人氣之作，絕對唔可以唔提美國四仔片商Las Vegas Video喺1992年推出嘅《Deep C Diver》。呢套被四仔迷稱為潛水經典嘅作品，不但喺艘豪華遊艇上拍攝，更搵嚟著名四仔導演NY Kidd執導，而佢嘅演員陣容更係鼎盛，分別有Teri Diver、Shawnee Cates、Steve Drake等當年勁紅嘅脫星坐鎮。故事講述有班鹹濕男女本嚟諗住租艇出海潛水，點知艘船未出海索女遊客就同船長搞埋一齊，另外有對男女則跳入水中曳曳，亦有唔少男女游上岸喺區內纏綿，配合出色又靚爆嘅水底鏡頭，唔少四仔迷都稱呢套冇拎過任何四仔獎項嘅作品做無冕經典。
如果有個異性朋友同你講，話好想同你「Dive in」，咪咁純情以為對方想邀請你同佢一齊潛水。原來喺情色俚語中，呢個字有曳曳嘅意思，換言之對方只不過想同你發生超友誼關係。例句：I'm looking for a slut to dive in tonight.（我喺度搵緊個淫娃今晚一齊曳曳。）既然「Dive in」有曳曳意思嘅話，咁「Dive deep」相信唔會係指潛深水咁解。冇錯，「Dive deep」真正嘅意思係指喺曳曳嘅時候，兵器深入對方嘅水簾洞之中，而呢種咁深入嘅動作，就好似潛水員深潛一樣，因而得名。
我哋知道Diving嘅中文意思係潛水，而Pearl則指珍珠，既然係咁，「Diving for Pearls」咪即係潛水採珍珠囉！錯！皆因喺情色俚語中，佢唔係解做採珠，而係解作情挑女士水簾洞口嘅小豆子。唔少床上高手都知道，挑逗女士呢個部位，可以令佢有美妙無比嘅快感，只係箇中緣由大家卻未必知道。原來女士嘅小豆子內有超過8,000條敏感嘅神經末梢，佢嘅數量比男士嘅槍頭末梢數多出兩倍，故此可以有效地刺激到女士嘅情慾。另外，當女士高潮時，小豆子會產生約3至16次嘅收縮，而時間則可持續約10至30秒，故此呢粒「珍珠」被性學家稱為床戰必攻之地。
潛望鏡係唔少潛水艇嘅器材，以方便佢喺水底觀察水面嘅情況，只係日本風俗業中嘅潛望鏡則指一種特別嘅玩法。呢個源於泡泡浴（Soapland）風俗店嘅術語，玩法係先讓玩家喺放滿水嘅浴缸內瞓低，下半身則用少少力挺起，硬直嘅如意棒就好似潛望鏡咁浮出水面，然後風俗孃則用小嘴好好服侍佢。講開泡泡浴，原來有段時間被稱為土耳其浴，後嚟則因為名字備受爭議，所以先至改為泡泡浴。從事泡泡浴嘅風俗孃，會用身體任何一個部位，透過同玩家摩擦嘅方法，從而幫玩家擦番梘，藉此產生挑逗嘅香艷感覺。據統計，喺2013年全日本共有泡泡浴風俗店1,218間，相對2008年嘅1,249間，數量上並無明顯嘅變化。
撰文：魂