一場鉛水風波，令各黨派爭相抽水化驗，搞到係又抽唔係又抽，但其實係咪過去一直有鉛水出現，而冇人特別去留意呢？話唔定飲飲埋埋，飲咗好多落肚都唔知。另一邊廂，繼之前嘅佔領行動、旺角「鳩嗚」以及反水貨客暴力示威後，近日又爆出港大學生聯同外人佔領港大校委會會議室及禁錮委員事件，反映不論老嘅少嘅都愈嚟愈激進，動輒以暴力解決問題，情況幾近失控。唔知係咪啲人飲得鉛水多出事，搞到個人有啲問題呢？
