老祖母指兩男孫突如其來 「梗係辛苦啦 我仲細咩!」
【本報訊】「梗係辛苦啦，我七十幾、八十歲，你估我仲細咩﹗」湊孫打工一腳踢，蘇婆婆心力交瘁。她透露，兩名男孫是「突如其來」，兒子不知甚麼時候與現任妻子結婚，又指兒子及媳婦如「無尾飛砣」，甚少回家，平時不知其去向，並說：「都唔知道佢哋幾時有咗ＢＢ﹗」直至早前兒子突然抱兩名男孫回家要其照顧，才知自己又做嫲嫲，更坦言：「佢又冇講兩個孫係咪同一個老婆生，我都唔知佢哋係唔係孖生o架，佢冇開口講，我點敢問呀！」
住所堆滿檢來雜物 幾乎零積蓄
據記者所見，蘇婆婆住所可說是家徒四壁，面積三百餘呎，無裝修、無間房間，家具十分簡陋，堆滿了大堆蘇婆婆檢回來的雜物。屋內擺放了兩張碌架床，其中一張上格床亦放滿雜物，下格則作為嬰兒床，放了奶樽及枕頭等。蘇婆婆表示，兒子做文員，沒有給予家用，只會「買吓柴、糴吓米」。她幾乎「零積蓄」，現時仍需做清潔維持生計，聲稱﹕「唔開工邊有得食！」
由於家中「乜嘢都冇」，她亦沒有手機，自嘲﹕「咁即我做人百冇啦﹗」「佢（兒子）唔畀家用，我經常同佢頂頸。」她又指放暑假期間，她仍需要每天上班三小時。當她忙碌時，會叫孫女幫手看顧一對同父異母的弟弟，若她離家上班，則會叫媳婦回家暫時照顧孫兒。
