政情：17:7民主黨革走黃成智

黨主席劉慧卿喺會後話，成智嘅行為有損黨聲譽，但今次嘅決定亦非百分百贊成，黨內同社會可能都有同樣看法，交由黨友同公眾評價，又唔覺得呢個決定顯示黨內冇溫和中間派嘅聲音，作為主席，多謝成智在黨內多年嘅工作。佢又話，成智可以搵三十人簽名召開大會，如果四分之三出席者支持佢，就可以推翻中委會決定。

卿姐又承認，曾經印證傳媒查詢有關紀委嘅報告，話如果成智唔鍾意都冇辦法，會尊重成智嘅睇法，又話自己好難做：「如果傳媒問我，唔通我講大話咩？」

出戰新東補選要思考

成智就話，覺得個結果難以置信，感到好難過，又認為召開黨大會係無用。至於革除黨籍後會否以後全無牽掛，甚麼都不怕咁參加新界東補選，佢就話要思考。會議上都有黨友問佢會否參加補選，但佢話與是日會議唔相關，建議私下同佢討論。