平等機會委員會由「廢鑊」周一嶽（周一鑊）擔任主席，組織架構不斷膨脹，平機會最新提交立法會嘅文件顯示，於二○一四至一五年度料有二百二十二萬元盈餘，加上有逾二千萬元儲備情況下，疑以辦事處租金由每呎廿多元增至四十四點五元，加上額外租用一千八百多平方呎嘅辦事處又要使多一筆為由，密謀向政府爭取增撥額外補助，每年最多六百四十六萬元。周一鑊領導嘅平機會「一闊三大」，洗腳唔抹腳，仍然唔知醜呻窮要納稅人「埋單」，真係整色整水，唔使旨意可以得逞！
