政情：公民講場：溫故「新滋」自扣30分

剛卸任浸會大學校長嘅陳新滋，尋日接受電台訪問時回顧過去五年嘅工作。陳新滋話，自己一共有六十分，但單係未能夠幫浸大爭取李惠利院校用地來興建中醫教學醫院，就已經要扣三十分，因為中醫教學醫院唔止對浸大好，對全港老百姓都係一件好事，遺憾自己無足夠人脈，游說有能力嘅人支持浸大。如果咁講法，咪即係話如果佢搞掂中醫學院單嘢，就有九十分？其實做政治人物，最忌係幫自己評分，睇嚟佢嘅政治手腕有待磨練喇。