夢裏尋她 像霧又像花

春夢、綺夢、愛夢等同夢有關嘅詞語,都係同性有密切嘅關係,只係喺慾海中,同夢及Dream嘅情慾詞語又點止咁少呢?不論英國嘅情色俚語,定係日本嘅AV世界,都有唔少同佢哋有關,說明尋找春夢唔使一定要瞓覺至搵得到。

Dream Whip 夢遺是也

Whip嘅中文意思解做鞭,而「Dream Whip」並非夢中之鞭咁解,而係解作夢遺。唔少人以為夢遺嘅出現,一定係同綺夢有關,只係事實卻並非如此。當男性發育到某個階段,就有可能出現呢個現象,一般嚟講幾個星期便會發生一次,而佢亦同健康冇任何關係,最重要係唔係每個男性身上都會出現,因此咪以為未發生過就係代表身體出現問題。話說回來,其實夢遺亦唔係人類至會出現嘅現象,曾著有《Are Dolphins Really Smart?》嘅海豚研究員及科普作家Justin Gregg指,所有哺乳類動物都會夢遺,而呢個現象更先後喺海豚、貓、豚鼠等動物身上被發現過。

Sell Dreams 夢與現實

咪以為「Sell Dreams」係解做出售夢想,感覺好正面。查實喺情慾世界中,佢指一啲性愛派對搞手,往往為吸引玩家捧場而講到個派對幾好玩,現實卻係男多過女兼悶到爆,因此「Sell Dreams」不但係個貶義詞,仲泛指啲人講嘅嘢貨不對辦。雖然有啲派對唔係咁啱玩,但總有啲係相當吸引人捧場,就好似每年喺三藩市舉辦嘅長跑比賽「Bay to Breakers」咁,就被喻為最過癮又最大型嘅長跑活動。佢每年不但吸引超過5萬名參賽者及10萬名觀眾,更一方面既係長跑愛好者爭取好成績嘅地方,另一方面又係天體愛好者吊吊揈嘅好機會,剝光豬四圍跑之餘,更視佢為天體嘉年華添!

《House Of Dreams》 滿屋春夢

綺夢最有趣嘅地方,就係佢既鹹濕又可以天馬行空,而美國四仔片商Caballero Home Video,就喺1990年將佢化為經典四仔作品《House Of Dreams》。呢個將男士性幻想變成真實嘅作品,請嚟著名四仔導演Andrew Blake開拍之餘,又搵嚟Zara Whites、Ashley Lauren、Rocco Siffredi、Randy West等多位人氣脫星坐鎮。作品不但獲得超高人氣,更喺1991年嘅AVN頒獎禮中榮獲年度最佳四仔,及年度最高銷量四仔兩個大獎。呢套片長80分鐘嘅作品,故事其實好簡單,講述Zara Whites有晚誤入一間奇怪屋,當佢每打開一道房門,便會發現房內正上演緊吹奏、三人行、愉虐等唔同類型嘅火辣床戰。

葵夢 離鄉美夢

有啲日本AV女優喺日本唔紅,只係離開自己地頭後卻紅到發紫,而葵夢就係其中一個。呢位喺1994年3月17日出生嘅佢,於2013年以北都集團女優身份投身AV界,並推出寫真作《無垢 崩壞寸前》,其後又喺AV片商無垢推出處女AV作。縱然佢擁有D罩杯車頭燈同埋可愛嘅樣貌,卻礙於片商並非名牌大廠,及銷量一直麻麻,故此冇耐佢轉演步兵片。須知道佢只不過半年就拍步兵片,前景認真麻麻。雖然佢喺日本唔紅,但喺台灣卻係紅到發紫,事關佢憑住一副明星臉,令唔少台灣AV迷誤以為佢係某位女星,因而令佢人氣直線飆升之餘,更成為唔少人嘅話題。可惜佢一直都冇往台灣發展嘅打算,否則佢嘅人氣應唔止於此。

撰文:魂