中環出更：民主阿婆搞基金 錢從何來
同壹傳媒集團前主席黎智英關係密切的公民黨（公文袋），與外號「民主阿婆」嘅前政務司司長陳方安生又有新搞作，尋日正式成立一個「公民實踐培育基金」，由政治評論員詹德隆擔任主席，而民主阿婆、社聯前行政總裁方敏生丈夫張玉堂、公文袋主席余若薇丈夫胡健維以及公文袋黨魁梁家傑太太陳淑儀等等擔任副主席。
拒披露捐款數字
不過，營運該基金的資金來源神秘，佢哋只肯透露大部分資金屬於私人性質捐出，難免引起外界猜測資金來源。
張玉堂話，現有資金足夠應付基金前期工作，資金主要來自基金成員、認同理念的人捐款及私人募捐，至於究竟係邊個募捐及捐款數字，他就話唔想描述太多。
另一方面，基金計劃於今年八月舉辦兩節工作坊，一節是選舉形勢分析，而另外一節是講解選舉法規、經費以及技巧，亦會連繫到選舉有關嘅法律問題。
被問到選舉前搞類似講座，會否產生牴觸，佢哋就辯稱區議會選舉十一月才舉行，有意參選人士未報名參選前，基金的講座已經完結，所以毋須計算選舉經費喎。
卓妮