立法會財務委員會下周將加開十四節會議，希望在暑假休會前通過政府提出涉及民生同創新及科技局（創科局）嘅餘下撥款申請項目。不過，加會就令泛民主派呱呱嘈，隨時再發動「拉布」阻撓創科局成立。議員劉慧卿尋日仲批評加會決定離譜，令市民覺得議員係特首嘅奴婢喎！自貶做奴婢咁嚴重，可能卿姐講得誇張咗，試問邊有每月超過九萬元薪津嘅奴婢呢？而且仲有得放暑假添！
