荔枝角：棚竹堵路 市民返工不便
「我每日都揸車過嚟返工，但係呢排有棟樓搭棚做緊維修，啲棚竹就放晒出馬路同行人路，搞到我地出入都要特別小心。其實好多時一做工程就搞到地方立立亂，唔知政府有冇監管同指引畀佢哋呢？」林先生指出，荔枝角瓊林街有大廈搭棚進行維修，卻將棚竹放出馬路及行人路，對車輛及行人均造成不便。
屋署：未發現嚴重阻塞
屋宇署發言人表示，該署曾派員到上址視察，發現有大廈正進行樓宇維修工程，外牆有搭建棚架，惟未有發現有關棚竹造成嚴重阻塞。發言人續指，已去信負責工程的註冊承建商，要求在工程期間提供恰當的安全措施，以保障工人、住戶及公眾安全。
「工廠區呢邊平時多人同大型車輛出入，我唔希望因為啲棚竹而發生咩意外。」林先生希望承建商能盡快移走棚竹，避免意外發生。