加藤智子 年紀大將股賣

好多年輕女星賣點在於青春活力,以及姣好身段,拍戲基本上唔需要太好演技。之不過,除非趁早釣到金龜婿,否則年紀漸長依然要繼續星途一定要發展出另一個賣點,好似加藤智子咁就因為年紀大需要脫離SKE48,遂轉行拍寫真,賣弄其圓潤靚股喇。

可愛依然

好多港女認為年紀過咗三十又或者快將三十,都已算係中女之齡,未有拍拖者切記要快快搵男友,否則就會變成賣剩蔗。其實咁諗真係杞人憂天,先唔好講好多男人都鍾意較為成熟嘅女士,我就係一個好例子,女仔年近三十亦可以好可愛,好似杉原杏璃三十幾歲都咁索就知啦!而加藤智子今年二十有八亦一樣可愛俏麗,人見人愛。所謂近朱者赤,近墨者黑,唔知係咪智子出身於SKE48,當中嘅成員多數都係十八廿二嘅青春玉女,令年齡比隊友稍稍大幾歲嘅智子到家陣依然保持住一份美少女嘅青春氣息,甜美清新嘅笑容簡直可以令人融化。身材方面,智子身形纖巧,皮白肉嫩,肉地白得嚟充滿彈性,並無過多脂肪,認真夠晒弗。雖然智子上圍唔大,但係玉臀光滑圓潤,大小適中,被唔少攝影師大讚曲線優美。

組隊登台

智子家陣其中一個職業就係寫真女郎,不時為雜誌拍寫真亦有推出寫真DVD,當中除咗發揮其活潑可愛魅力,當然亦會以其優質股做賣點,實行「股」惑人心啦。智子嘅寫真之所以賣得,其背景相信亦係其中一個賣點。阿妹喺2009年加入超人氣美少女團體SKE48成為第二期成員,上年9月就因為年紀問題被迫畢業。幸好,智子早有計算,聞到魷魚香之後就開始拍寫真,上年參加Miss FLASH選美比賽更奪得佳績,同尾崎禮香以及Kagami並列冠軍。今年智子將會參加新一屆比賽,希望佢可以再下一城啦。拍寫真以外,智子仲踏足舞台,最近更加同櫻井希、藤方彩乃等一共六位美少女組成團隊,近期就忙於舞台劇《魔銃少女》演出喇。

個人博客

加藤智子相當熱愛其舞台演出工作,喺其博客盡可以睇到佢將綵排時嘅花絮照片上載,有興趣不妨Click上去睇睇。

網址:http://lineblog.me/katotomoko/

加藤智子Profile

年齡:28歲

身高:5呎2吋

三圍:31-23-32

撰文:賢