北角頻爆喉管 長者烈日撲水
北角城市花園一帶食水管三年來先後三度爆裂，居民每次皆四出「撲水」，長者更需在烈日下輪候、搬水，儼如重回制水年代，對生活造成極大滋擾，不滿水務署以地底設施密集為由拒絕更換水管，未能根治問題。區議員狠批水務署不負責任，要求盡快落實解決方案，免居民再受斷水之苦。
「嗰日起身開水喉居然又冇水，連超市啲樽裝水都畀人掃晒，要落街去水車輪水，搞到約咗人都遲大到。感覺好似時光倒流、返咗去粵語長片入面仲要制水嗰個年代咁。」北角城市花園居民張先生指，過去數年食水管頻頻爆裂，令生活大受滋擾，早前近大強街路段再次發生相同事故，需帶同水桶到水車自行取水，即使長者亦加入「撲水」大軍，「依家天口咁熱，啲老人家仲要排長龍就認真辛苦，拎嗰陣又分分鐘整親條腰，分分鐘中暑都唔出奇！」
近城市花園 三年內三宗
張又指毗鄰酒店經常有大量旅客入住，擔心斷水會損害本港旅遊形象，不滿水務署遲遲未能根治問題，令居民與遊客皆隨時受斷水影響，「玩完成身汗想沖個涼都唔得，畀我都唔會再嚟玩啦！都唔明點解一而再、再而三咁爆，但係都未解決到件事，水務署究竟搞乜？」張要求水務署正視問題，落實解決方案。
水務署發言人證實，北角區近城市花園過去三年曾發生三宗食水管爆裂事故，其中兩次皆涉及近大強街路段，最近一次為今年六月中旬早上七時發生，該署接獲報告後隨即派員跟進，維修工程於當晚約十時完成。
發言人解釋，估計事件肇因為食水管老化，現正分階段更換及修復全港約三千公里的老化水管，其中北角區的工程造價為八千五百萬元，預計於今年年底前完成。然而，於一三至一四年進行挖掘探坑及地下管線測量工作時，發現上述涉事路段布滿大量地下設施，並無空間鋪設整段新水管，正研究其他方案。
揭地下設施鋪設欠規劃
「幾乎每年都爆一次，淨係個屋苑都住咗成二千幾戶，仲要有次係喺前年八月暑假最旺嗰陣，搞到酒店都冇水用，唔單止影響民生，仲畀遊客扣晒分！」一直跟進事件的當區區議員許清安指出，水務署於十年前已開展水管更換工程，惟拖延經年仍未解決所遇技術問題，要求從速完成研究。許又稱，事件反映路政署審批鋪設地下設施的標準過於寬鬆，建議日後加強規劃，「其實光纖都係近十幾年先至普及，如果把關得好啲，就唔會密到連做一啲有必要嘅工程都唔得啦。」
記者︰呂耀焜