立法會暑假休會在即，又係總結七十名立法會議員出席率嘅時候，今年同上年一樣，立法會鄉議局代表劉皇發仍然榮登四大懶蟲之一，無論於大會、內務委員會及財務委員會三個會議嘅出席率偏低，依次分別有八成一、四成七同四成七。由此可見，發叔缺席會議已成為常態，建制派平時開會時都冇「等埋發叔」嘅習慣，無端端突然於政改方案表決嘅關鍵時刻先齊心「等埋發叔」，結果因等一票而冇咗三十多票贊成票「甩轆」收場，呢個教訓相信事後好多人都刻骨銘心。
