因建制派政改表決「甩轆」慘劇而成為眾矢之的嘅經民聯立法會議員林健鋒（Jeffrey），尋日以盛事基金評審委員會主席身份擔任香港龍舟嘉年華主禮嘉賓，點知玩「打大鐵錘」遊戲時又再甩轆。佢先後兩次度位，點知一打，個儀錶只係飆到最低嗰格嘅「1948」，隨即引起一陣喝倒采。Jeffrey即刻向大家解釋自己「玩乜」，佢話係專登打中最低「1948」嗰格，係代表「1949」中共建國年份喎！真係兜都兜得肉酸過人。
