筲箕灣：滿街違泊 車輛逼逆線行
「啲司機成日亂咁泊，搞到成條行車線都唔過得，其他車就要切去對面線先轉到落嚟，如果有司機跟足地面啲線行，淨係望有冇車轉入嚟，就分分鐘會出事！」筲箕灣居民施先生指，愛民街經常有車輛違例停泊，導致車輛轉入筲箕灣道時需逆線行車，容易釀成意外，「都唔係第一日發生嘅事啦，可能佢哋覺得個位唔係大街大巷，博一博都冇人知。」
警方發言人證實，過去一年共接獲六十宗相關投訴，期間共向違例停泊司機發出一百零一張定額罰款告票。發言人強調會密切留意涉事路段，並採取交通管制及執法行動，遏止違例情況。
「搞出人命就講咩都冇用」
施先生要求警方日後加強執法以作警惕，避免出現人命傷亡事故，「未有意外之前就好似危言聳聽咁，但真係搞出人命嗰陣，就講咩都冇用。」