政改方案遭否決後舉行嘅七一遊行，雖然參加人數創近年新低，但遊行主題嘅本土及港獨色彩味濃，其中主題寫明「重奪我城未來」，仲提出要修改《基本法》添！有內地官媒尋日就批評今年七一遊行喊出修改《基本法》口號係近年最激進嘅，須知道修改《基本法》嘅可能性係零，要求修改就同高喊「要求一港元兌換一百美元」嘅性質一樣，都係爛口號喎。如果堅持要求一港元兌換一百美元，相信搵個魔術師變出嚟會易啲，但都唔會係真實嘅。
