近年七一升旗禮及酒會，「長毛」梁國雄都因為其立法會議員身份而獲邀出席，仲趁機示威踩場攪亂檔，亦經常被「請」離場。唔知係咪試過太多年都係咁，民政事務總署今年就無邀請長毛出席。長毛話，好似婚禮主人家唔請係唔需要理由，但又酸溜溜話，唔請佢卻請其他議員，係對立法會嘅貶斥及政治歧視喎！其實政府唔請長毛，擺明係怕佢又到場示威攪亂檔，就算係貶斥，都係貶斥佢本人啫，關議會咩事呢？
