甩轆無認錯 樹根只顧捉「鬼」
不過，顏寶鈴尋日就喺報章撰文，話自己只係一時衝動、語氣過激，已經同班議員道歉。佢仲話日後會謹言慎行，不斷鞭策自己，唔知仲以為佢犯咗咩滔天大罪。
反之，應該道歉嘅建制派議員鍾樹根，尋日出席電台節目時就無為甩轆事件道歉，反而繼續對WhatsApp事件高談闊論，透露有關方面已捉到洩密「內鬼」，所以叫大家唔使再捉「內鬼」喎。樹根話，「內鬼」同佢一樣都係口沒遮攔，但現在已變乖。
當被節目主持問放料人係咪「獨立人士」同「着短褲」時，樹根就話「你都講到好明喎！」佢仲話，洩密事件對區議會選舉好大影響，仲要去唔同地區開「補鑊會」添。