大角咀：球場防撞膠失效 更換草率
「見到有防撞膠喺度，老實講大家嘅警覺性就會低咗，點估到啲防撞膠原來冇晒彈性，根本唔『防撞』，咁放喺度即係『陰』人啫！」經常到詩歌舞遊樂場踢足球的何先生指出，足球場內種有數棵樹木，而圍繞樹木的石壆則裝有防撞膠墊，惟部分防撞膠墊多月前已經老化，失去防撞功能，被指威脅球場使用者安全。
康文署捱批
康樂及文化事務署發言人表示，該於二○一○年年底為足球場周邊六棵樹的石壆安裝防撞膠墊，造價約六千五百元。防撞膠墊由合成纖維及塑料製造而成，一般使用年期可長達五年。該署已於去年四月更換其中四個呈現老化的防撞膠墊，今年六月底會更換剩餘的兩個防撞膠墊。
何先生坦言不滿康文署的安排，認為當局應及時更換已老化設施，「既然最初係六個膠墊一齊裝，點解舊年淨係換四個？要等到其他兩個冇晒彈性先再換？有人受傷點算？」