給家人一個說明 免一世「唔清唔楚」
【本報訊】最後見到阿恆開心離家，再見已是遺體，生死之間一片空白，令家人對他的死充滿疑問，其父和胞兄都認為，無論是他自殺還是另有案情，都應有一個理由或相關的證據，阿恆父親稱：「警方幫我查吓手機紀錄，睇吓案發前阿恆同咩人聯絡過，學生八達通嘅紀錄，睇吓佢去過邊，仲有碼頭閉路電視片段，以及佢喺長洲租房情形。」如果警方有這些資料提供，可以給家人一個說明，好過「唔清唔楚」牽掛一世。
胞兄阿偉稱，因為家人有好多疑團，數日前主動向警方了解調查進展時，獲回覆指初步無可疑，惟驗屍未能查明死因，須根據程序處理，抽取身體器官樣本化驗，在六至九個月後取得報告，可能交由死因裁判庭決定，一般會視乎裁決才決定下一步行動。阿恆父親擔心稱：「如果係謀殺，九個月後乜證據都冇晒啦！」他希望警方能早些深入跟進，可能會有新發現。
友人致哀「一世都係兄弟」
阿恆友人在fb留言致哀，「喺足球場上你係我嘅好隊友，一個好好嘅指導！好多謝你當初將你對足球嘅熱誠帶畀我哋呢級入邊各個足球愛好者，令到我哋重拾對足球嘅興趣！……你喺我哋心目中係最好嘅前鋒！」
亦有友人懷疑阿恆不開心尋死，「你去到嗰邊唔好再乜都收收埋埋唔同人講呀，一日兄弟，一世都係兄弟，我哋發覺唔到你唔開心……對唔住。」因本月廿二日是阿恆十八歲生日，友人慨嘆已無機會為他慶祝。
阿恆在家人眼中「好聰明，好記性」，他因喜愛看動漫及西甲法甲足球賽，且是美斯的「粉絲」，故自學日文、法文、西班牙文，基本溝通不成問題。學校老師對其評價為：「溫和敦厚，善良誠懇，資質聰穎，熱情追求球類活動。」