長沙灣邨高空掟廚餘房署冇眼睇
長沙灣邨僅落成兩年，外貌簇新整潔，租戶卻「有苦自己知」。有低層單位住戶指邨內高空擲物問題愈見嚴重，平台早已淪為垃圾房，不但滿布污迹，被擲下之廚餘更吸引蚊蟲、老鼠及野鴿「覓食」，造成嚴重衞生問題。地區人士批評房署遲遲未能落實「一邨一天眼」政策，以致監察系統不時被「調嚟調去」，無法阻嚇及緝拿違例人士，要求盡快改善。
何小姐居於長沙灣邨低層單位，直指邨內高空擲物問題非常嚴重，平台長期積聚大量垃圾，生活大受滋擾，「依家唔好話晾衫出去，我哋連窗都唔開得，試過瞓瞓吓覺得塊面有水撇入嚟，以為落雨起身去閂窗，點知原來係樓上掉落嚟啲餸汁！」
五宗投訴 僅一戶扣分
何小姐曾多次向房署投訴，卻未獲職員積極跟進，令居住環境愈見惡劣，「次次都要打電話佢哋（房署職員）先肯嚟清走平台啲垃圾，如果唔打就幾日甚至一個禮拜先清一次，依家孳生咗好多蚊蟲出嚟，連老鼠都有，朝早仲好多野鴿喺度搵食！」
記者曾到何小姐的單位了解，早上已發現平台有積聚垃圾，當中更夾雜有各式廚餘，更有載有疑似動物內臟的膠袋，內臟更疑有蟲隻蠕動，甫打開窗戶便有大量蚊蟲飛入屋內，亦傳來陣陣惡臭，環境衞生惡劣。
長沙灣邨物業服務辦事處發言人證實，過去一年共接獲五宗高空擲物投訴，但只有一名住戶因此被扣分。
發言人強調，已經安排了偵查屋邨高空擲物特遣隊到邨內執行巡查工作，亦都調配了一組便攜式監察系統供長沙灣邨使用，而承辦商一直有定期清潔大廈簷篷，現已按需要加了密清理的次數。
發言人續稱，根據「扣分制」，住戶若高空拋擲破壞環境衞生的物件會被扣七分，如造成危險或人身傷害則會被扣十五分，接獲高空擲物報告後，會調派保安員到涉事範圍加強巡邏監察，並進行家訪和勸喻住戶。
促快落實「一邨一天眼」
「依家啲手提天眼要幾條邨共用一部，有事嘅時候先會調配過嚟，始終作用唔大，所以房署應該快啲落實『一邨一天眼』！」一直協助住戶跟進事件的長沙灣之友社主席張德偉表示，早於兩個月前已向房署反映情況，不滿當局的調查一直「零進度」，更以愛理不理態度對待問題，令街坊大感滋擾，要求盡快實施「一邨一天眼」以收阻嚇之效，並加強清潔工作，「明知有咁嚴重嘅高空擲物問題，就好應該加強清潔，否則對低層住戶好唔公平！」
記者：呂諾君