鴨脷洲：建材棄街 環署監察不力
「始終呢區都發展咗幾十年，附近好多樓都係時候要大修，好多工人為咗慳錢慳時間，就亂咁拋啲建築廢料，搞到條街烏煙瘴氣！」鴨脷洲居民楊先生稱，區內不少樓宇正進行維修，令隨處棄置建築廢料情況愈見普遍，近日又在新市街有所發現，「成堆喉管、泥頭，就咁放喺馬路就算，好似無王管咁。」
轉介相關部門清理
環保署發言人證實，接獲轉介後一星期到涉事路段一帶巡察，發現其中兩幢大廈之間的後巷有建築廢料堆積，已轉介予相關部門清理。發言人承諾，將繼續作出監察，倘發現有人觸犯法例，會採取執法行動。
楊先生直指現時環保署監察成效有限，導致違法者常有機可乘，「巡嗰陣喺後巷有發現，證明咗呢樣嘢已經唔係單一事件啦，同埋環保署仲要隔成個星期先去睇，你話點可能拉到人？」