立法會尋日開始審議政改方案，泛民飯盒會召集人梁家傑（袋巾傑）係首位發言嘅議員。袋巾傑話，否決政改方案並不足惜，重申唔會動搖，必定會投下反對票。佢又批評，政府推動政改長達二十個月，目的唔係畀市民有真正選擇「做真老闆」，呢場戲「太假太悶太長」，希望可以盡快作出了斷，唔覺得有需要拉布或提出中止待續嚟拖時間。講開厭悶，相信大部分市民一定感受最深，因為泛民除咗公民提名同真普選之外，既唔肯傾，又唔提出可行嘅方案，真係畀佢哋悶親。
