政情：陳恒鑌麥美娟 鬥「氣」爭出位

隨着區議會選舉臨近，好多平日冇乜人留意嘅地區議題，最近都好受到議員關注。民建聯陳恒鑌（Ben）尋日提出口頭質詢，指葵青區一帶空氣污染問題嚴重，污染物主要嚟自停泊喺葵涌貨櫃碼頭嘅貨櫃船，仲形容該區居民每日吸緊毒氣。同屬新界西嘅麥美娟（Alice）亦唔執輸，追問當局有冇光同噪音嘅管制措施。但係Alice嘅發言就被主席話同主體質詢冇直接關係，離晒題，可見選舉壓力已殺到埋身。