中環出更：旋音裊裊宣揚中國文化

中港矛盾近年不斷升溫，各界都想尋求化解良方，早前沙田馬場舉行年度盛事「太子珠寶鐘錶精英盃」賽馬日，太子珠寶副主席兼執董鄧宣宏雁（Emily）特意邀請人靚聲甜嘅中國女高音歌唱家周旋獻唱多首名曲，包括家喻戶曉嘅民族小調，聽到台下嘉賓拍晒手掌。Emily話，音樂無語言及地域限制，希望藉傳唱一時嘅歌曲令香港人接觸多啲中國文化，潛移默化之間，或許有助港人搵返民族認同。
名媛曹眾（右）即場訂購由太子珠寶集團設計部主管戴芸玄（左）設計嘅鑽飾耳環。
名媛曹眾（右）即場訂購由太子珠寶集團設計部主管戴芸玄（左）設計嘅鑽飾耳環。

Emily話，自己同周旋相識唔耐，但兩人十分投契，佢盛讚周旋經常為慈善而唱，所以梗要支持對方。同丈夫及三歲半兒子移居香港嘅周旋就話，最近佢啱啱自資搵人作曲填詞、由佢主唱嘅公益歌曲《沒有天空的星星》，希望引起社會各界關注內地數以億計嘅留守兒童問題。

當日入場嘅政商名流多不勝數，仲有馬會行政總裁應家柏及賽馬事務執行總監利達賢等馬會高層，太子珠寶主席鄧鉅明及太太Emily忙到滿場飛。

周旋（右二）及丈夫程里全（右一）與孫大倫夫婦（左一及二）喜相遇。（余素月攝）
  • 周旋（右二）及丈夫程里全（右一）與孫大倫夫婦（左一及二）喜相遇。（余素月攝）
鄧鉅明（左二）及鄧宣宏雁（左一），與應家柏（右二）及利達賢（右一）齊為盛事主禮。
  • 鄧鉅明（左二）及鄧宣宏雁（左一），與應家柏（右二）及利達賢（右一）齊為盛事主禮。

孫大倫遊絲路 最靚新疆

中港照相器材主席孫大倫（Dennis）及太太鄧秀英都有到場，熱愛攝影嘅Dennis參加咗個旅行團，同來自各地嘅團友豪包客機行絲綢之路。眾人由伊斯坦堡出發，一路飛一路玩，最後到新疆，前後用咗十二日。Dennis笑稱，如果用腳行至少要行三年！咁佢覺得邊度風景最靚？佢話係新疆，形容靚到令人以為去咗外國！

卓妮

第一手消息請下載on.cc東網iPhone/iPad/Android/Windows Phone Apps