政改方案表決前夕，警方搗破激進港獨分子「炸彈工場」。尋日特首梁振英就話，市民要表達任何訴求，包括政制上嘅訴求，都必須要係合法，如果將一啲行為，例如過往嘅一啲非法集會或者佔領行動合理化，就算呢啲行為係非暴力都好，都只會令有暴力傾向嘅人用同樣嘅理由將暴力行為合理化。佢又話，唔應該姑息任何違法行為。咁又係，佔領行動始作俑者、「佔領中環」發起人戴耀廷擾亂香港秩序，一句「公民抗命」就將非法佔領行動合理化，真係教壞人喇！
