沙田：日間試街燈 惹嘥電誤會
「日光日白開着晒啲街燈做乜？」沙田沙角邨居民梁女士指出，早前於下午時分發現邨內多盞街燈同時開啟，持續一個多小時仍未關閉，質疑房屋署浪費電力。
房署：承辦商進行測試
「三點幾四點就着晒啲街燈，我買完餸返嚟都五點幾，但見啲燈都仲未熄，十幾盞燈着晒，都唔知係咪壞咗！」梁指當日接近七時才日落，質疑房署下午三時即開啟電燈有浪費電力之嫌。
房屋署發言人表示，根據沙角邨辦事處紀錄，早前有合約承辦商在下午三時至五時三十分期間，開啟沙角邨部分外圍公眾照明系統進行維修及測試。工程完成後，照明系統已回復正常操作。
不過，梁女士仍認為測試時間過長，有欠環保，又指房署事前應通知居民，以釋公眾疑慮。「開咗成兩個半鐘，使唔使測試咁耐？嗰度咁多盞燈都嘥咗好多電！」