打車輪、車震、推車仔等同車有關嘅詞語，我哋唔單止聽得多，仲知道係乜嘢意思。不過喺情慾詞海中，同車及Car有關嘅絕對唔止咁少，美國四仔亦有出色作品同佢有關。想知道多啲，就要留意下面嘅介紹喇！
車震喺人眼中係件好刺激嘅事，如果喺勁型嘅賽車中玩車震咪仲激？激唔激就唔知，只係知道「Race Car Sex」嘅意思並非喺賽車中曳曳，而係指女伴喺曳曳時，發出猶如賽車高速行駛中引擎聲般嘅叫床聲。咪以為呢個講法好誇張，現實中唔會有女性咁叫法。話說幾年前，有網民將日本AV女優嘅叫床聲，代入一段F1賽車嘅畫面中，佢嘅聲音竟然同賽車爆發出嚟嘅引擎聲勁似，有網民甚至話以後睇鹹片可以開大喇叭，然後話畀屋企人知佢只不過喺度睇緊賽車。
如果直譯「Clown Car Sex」做小丑車性愛嘅話，相信絕大部分人都唔知佢講乜。其實呢個詞語同小丑一啲關係都冇，真正嘅意思係用嚟形容幾支兵器同時進入一個蜜洞，情況就好似同時將好多支筆插入個筆筒咁。當然，喺現實世界中，由於男女礙於生理構造，故此好難做到多於三人以上同時攻擊一洞嘅情況，只係講到車輪戰卻完全冇問題。話說喺2004年波蘭華沙舉辦嘅第三屆世界性愛大雜燴大賽中，美國脫星Lisa Sparxxx創出喺一日內同919個男士床戰嘅健力士世界紀錄，換言之，即係佢平均分幾鐘就搞掂一個，呢個速度認真犀利！
日本AV界有位被稱為「史上最強賽車女王」嘅女優，佢就係喺1986年3月30日於東京出生，並喺2011年投身AV界嘅香西咲！佢之所以有咁勁嘅外號，皆因喺佢投身AV界前，已經喺賽車場上有極大嘅名氣，而從2008年開始擔任賽車女郎嘅佢，不但外形超一流，一對修長美腿更係令人流晒口水，而為咗一睹佢嘅風采，更有唔少非車迷入場睇佢，因此當佢宣布投身AV界，並於MUTEKI推出處女作《Race Queen》時，即時引嚟極大哄動。此外，佢又積極向外地發展，2012年7月時就喺台灣高雄舉辦嘅國際成人展中亮相。雖然近年佢因同公司關係轉差而被雪藏過一段時間，但最近又再次復出，等大家可以再體驗佢美腿嘅魔力。
美國嘅四仔迷除咗鍾意睇車震片外，更鍾意睇索女洗車，話見到波濤「胸」湧嘅脫星喺度洗車時，感覺勁挑逗喎！如果閣下深有同感，就唔可以錯過呢套由美國著名四仔片商Elegant Angel，喺2010年2月底推出嘅作品《Car Wash Girls》。呢套由著名四仔導演Mason執導，並搵嚟Alexis Texas同Eva Angelina兩位人氣脫星擔綱演出嘅作品，以性感兼鹹濕洗車女郎嘅形象，展開一段激烈床戰。作品不但令四仔迷睇到流晒口水，更喺2011年嘅AVN頒獎禮中，令兩位女主角榮獲最佳挑逗表演大獎，證明佢哋嘅洗車功力確係有番咁上下。
撰文：魂