【本報訊】「爸爸琴（尋）日先同你過好開心嘅生日，點解今日會發生禁（咁）嘅事」。可愛小澄澄剛度過三歲生日，因一場意外，從此與父母陰陽永隔，外婆哀慟不已。
澄澄父親心如刀絞，在facebook表達椎心之痛，「我好難過呀！我最愛嘅女最疼愛嘅女呀，爸爸好想再錫吓你呀，你喺邊呀，我最喜歡接送你返學，同你一齊瞓覺，同你一齊玩，依家都無啦，我好辛苦呀！見到你我所有嘅唔開心都無，我最愛最愛嘅女呀，爸爸媽媽好掛住你呀！」愛女至深的澄澄爸爸，難以接受突然失去了掌上明珠，「上天帶走咗佢啦……好辛苦好痛好沉重。」朋友亦紛紛留言安慰，鼓勵他，「要堅強呀，仲有家人需要你照顧，你千萬不能倒下。」
死者澄澄為家中長女，一家在她約一歲時搬入深水埗新居，澄澄由去年九月開始，在附近一間幼兒園上預備班，去年更添一個妹妹瑩瑩，現時已九個月大，父母對小姊妹呵護備至，加上有長輩幫忙照顧，一家人幸福美滿。
澄澄精靈可愛，父親常稱下班後回家見到女兒「咩累氣都無晒」，並立志「做個好爸爸，好丈夫」。而澄澄在父親眼中亦是一名「叻女」，其父曾指「今日妹妹面試超勁，全部都做到晒，全部都好主動，一個字，勁！」
澄澄去年生日時，父母更帶她到海洋公園遊玩，一家人在家中切蛋糕慶祝，溫韾得令人羨慕，幸福的一家，卻遭遇突如其來的悲劇，令人心痛和惋惜。