大角咀：違泊阻視線 途人焗攝車罅
「每次一落街就見到成條街都係車，明明朝早到夜晚呢度都劃咗做禁區，但就成日泊滿晒車，客貨車、私家車、仲有好多大貨車，乜車都有，我哋平時出入都驚攝車罅有危險。」蔡先生指大角咀道與界限街交界長期有車輛違泊，曾多次向警方投訴惟未見改善。
警：已主動巡查有關地點
警方發言人證實，過去一年共接獲三十宗相關投訴，並在上址發出八百七十五張定額罰款告票。發言人又稱，旺角警區一向關注區內交通問題，不時主動巡查有關地點及採取適當行動以維持交通暢順。
蔡先生要求警方繼續跟進事件，令居民出入不需擔驚受怕。