男人係咁衰格，當日Loni Rae瞓身剝衫以裸模為理想職業，但大家又覺得不外如是，到阿妹意興闌珊淡出幕前，外界又視之為損失，結果喺苦等兩年嘅一次雜誌專訪，只見阿妹個人索咗，架生勁咗，性格都隨和咗，其實今日回頭都未算遲吖！
以後睇裸模唔好只睇架生，仲要學識珍惜眼前人呀，Loni Rae正係最佳例子，喺2012年以索爆外形喺成人雜誌獻出第一脫，當時外界回響好大，而阿妹亦不諱言，加入裸模界最主要係希望賺快錢，事關佢放低烈酒推銷經理高薪厚職，全力瞓身剝衫，可以話係手停口停，亦因為咁逢衫必剝，一有機會懶理場地及機構，只要非低俗變態都全力以赴，未知係咪剝得太密太多，外界睇慣咗Loni，認定佢會終身剝衫，所以再無驚喜。事隔一年Loni再次接受網站訪問都直認，幻想同現實差距太大，未當裸模前，嘗試做過比堅尼Model，但試過全裸後先感覺到鏡頭前無拘無束原來可以咁爽快，無奈當佢同人講出感覺時，大家都以為阿妹純為貪錢，想增加演出機會，直接或間接影響Loni喺巴打心目中形象，往後即使去睇個人喜愛嘅欖球比賽、成立粉絲網站、做慈善探訪貧困兒童，Loni都被指為博上位，最後佢對裸模界心灰意冷，無聲無息淡出幕前！
離開後冇人知道Loni靠乜搵食，有傳佢集中火力改名做展模車模，亦有網友話佢重操故業性感賣酒，但喺年頭佢再次喺成人網站接受訪問，阿妹話雖有性感演出，但從無直接承認將會復出做裸模。阿妹自爆，喺消失嘅日子因為好唔開心走咗去喪做Gym，期間更同男人閃婚，仲生咗一對仔女，可惜最後各行各路，就決定做單親媽媽，將對仔女撫養成人。傳媒問Loni生活咁艱苦，何解仲要攬住對仔女？佢解釋自己係完美主義者，絕不忍心將來見到親生骨肉行差踏錯喎！亦因為一對仔女，Loni喺過去兩年完全無停下來，除咗去各大酒吧做品牌推廣更學人賣內衣，阿妹笑笑口話操得一身完美身材，顧客對佢零舍有信心喎！
對於再戰裸模界，Loni話心態上經已大不同，就算復出都唔會好似以前咁搏命，皆因佢明白希望愈大，失望愈大，況且現時生活不過不失，重心喺家庭而唔係裸模上，假如可再創高峰都只係錦上添花喎！
簡介：消失兩年，Loni Rae已經再冇寫真，想睇舊嘢可以上網摷，假如想知阿妹近況，架生有幾Fit，最好當然去Twitter啦，近期阿妹再度性感，得閒就整兩張夾奶相，睇怕復出之日不遠矣！
網址：https://twitter.com/thisislonirae/media
出生日期：1983年2月17日
三圍：32DD-25-28
身高：5呎6吋
撰文：祖